nōbilis cum mīlia mīlitum ūnā
rusticā fertur Totukā morātus
nocte fuisse.
dum latens collem prope dormiēbat
parvulum, quīdam deus adlocūtus
somnio est illīque futūra bellō
forte gerendō
dīxit audāci bona. māne fortis
omnibus victis redeuns Sagāmim
condidit templum, ubi dicta laetis
auribus dīvīna sonasse sensit
arbore tectus.
impii et piī veniunt precātī
ā deo hōc, ut plūra merēre possint,
quī velint parcī dare nulla dīvō
offerumenta.
Cum mentionem fecisses offerumentorum, quae parci dare nollent, responsum apposui in mea pagina:
ReplyDeletehttps://nusquam.net/2025/07/22/de-pentabolo-offerendo/
Nam audivi esse, qui solerent numini non nisi quinque nummulos Iaponicos offerre.
Templum Totukense "Tomiduka Hachiman" nomine spectat viam autiquam, quae Edo(Tokium) et Meacum(Kyoto) jungens maximi momenti esse videbatur. Quam tamen initio saeculi decimi septimi regimen Tokugavense paravit primum. Scilicet vero, in aetate superiore viatores ad provinciam septentrionalem per vias alias iter fecerunt. Itaque, fabulam hic a me ipso narratam nummorum meredorum gratia falsam fuisse suspicor.
ReplyDeletenummorum meredorum gratia > nummorum merendorum causa
ReplyDelete