De felina Odoribae chorea

Quid tibī fēles faciat nigrante nocte? num mūrem cita persequātur? dormiat bacchante tuis procellā crūribus haerens?

fertur in sōlā Totucae viā se vesperō surgente gregasse fēles. quae pilōsas crūra manusque parva ūna agitābant.

versibus fēlīna chorēa cantis vōce magnā cum gererētur atque ēbriō templum scaberētur unguī, aethere fulsit.

omnia haec, quaecumque virī loquantur, crēderēs an non, nihil interesset. dum pluit multō, tua laeta fēles somnia spectat.

De cibo litore edendo

ō puer longō decorāte crīne,
nunc arēnā stas. quid edis marīno
ventulō sufflante per aestuōsa 
lītora rīdens?

cūr adest formōsa puella tēcum,
quae duas conchas tenet et susurrat?
quisne cantrix pictave diva pāret?
dic mihi nōmen!

De raeda longiore

longior curris per iter recurvum
flexior versāris in angulōsis,
quae vehens rīdes populum venustum,
raeda rubella.

sex rotas volvis leviter terētes,
non tamen sūdās et amīca clīvi
arduī cēdis neque fessa anhēlas.
fortior es tu.

māne somno excussa sciās adesse
ferreā currus citius ferentes
in viā plūrēs juvenes senesque
ad Tocii urbem.

De arte bellatori discenda

sī ferox callēre velis vel arcum flexilem tū vel gladium minācem, Gongorō vīsas juvenī duci illo templa dicāta.

cūjus ardescens oculus sagittā vulnerētur cum rapidā cruentē, luscus ensem tum validum volēbat pōnere numquam.

quemque pāgānī Fucajae virentis et Tajae nunc rīte colunt satōres. laetiōres concelebrant quotannis festa bibentes.

at genus fertur Tairārum atrōci proeliō victum et mare flante vento rēgulus sēsē jaciendo in altum mortuus esse.

nunc et ars nandī tibi praeter undas impigrō discenda. ut eās ad ōram. nē puellas conspicias per hōras sōle nitente.

De nauta portu Misakiensi morato

cum ferēbantur per iter marīnum

Ōsakā merces hominesque ab urbe

oppidum flōrens ad Edum, morāri

saepe coactus nauta erat portū Misaki in latenti

ob procellōsum mare. quid gerendum

ōtiōsō nocte diēque? templum

vīsere amabat. nam puellāres poterat chorēas

impius spectāre novōs ad annos

dēdicātas. tūtus ut īre, spēro,

aequora posset.

De quodam Totukae templo

nōbilis cum mīlia mīlitum ūnā

ācriōrum dux Kamakrā profectus

rusticā fertur Totukā morātus nocte fuisse. dum latens collem prope dormiēbat parvulum, quīdam deus adlocūtus somnio est illīque futūra bellō

forte gerendō

dīxit audāci bona. māne fortis

adgredī coepit boreāle Mutsum, quō rebellis saeviit arma cēpit haud docilisque.

omnibus victis redeuns Sagāmim condidit templum, ubi dicta laetis auribus dīvīna sonasse sensit arbore tectus. impii et piī veniunt precātī ā deo hōc, ut plūra merēre possint, quī velint parcī dare nulla dīvō offerumenta.

Ad NHK Spring Yokohama FC Seagulls

spectat undas caeruleus remōtās jam larus currens pedibus citātīs, quī super vēlox Totukae fluentum saepe volāret.

mīlitēs audit Kamakram per urbem impigros lātumque equitasse lītus, quī juvent nōs hostibus in domandīs grāmine pulchrō.

De rosa pedifollica

Lūdium follis, puer, et parātae sī placent bellāre tibī puellae, perge sectārī, rosa quō locōorum
impetat ācris.

simplicī plausō nihil allabōres.
magna tē vox grāmine dēdecēret
in virentī mēque Latīna verba
dīcere amantem.

Ad Nankatsu SC Wings

cum datur plausus manibus secundus,
ālites campō roseae virentī
fortiōres tum fierī solētis 
bella gerentēs.

impetum vestrum nequit ulla turma

ferre. mīrandam speciāmus artem

calcitrandī follis ac audiātis

carmina laeta.

Versiculi, quos in pipiatorio his mensibus scripsi

flante per arva 

puella precabitur 

arida vento, 

frugifer ut veniat 

sole cadente deus. 

（Tanka elegiaca: Nescio, quis deus hic narretur).

Phoebus ut expulsā nitidus mī rīdeat imbre, 

incipiat citius nūda salīre dea.

cūr homines tantos faciant mūrosque domusque? 

omnes perfringam magna cicāda cito!

dormītent homines cum fessī nocte silente, 

fēles nūgantur tum saliuntque vagae.

piscantur puerī tacitī sub fronde comante. 

injicit in flūmen saxa puella loquax.

optet aquātilium linguam quī discere blandam, 

scrībere cōnētur verba fluente in aquā.

quō magis in vīcō bibitur cervīsia nostrō 

ornat eō saepem flos decoratque magis.

De veritate ac pulchritate

an potest crēdī studiōsa docta, 

tristior quae sē lacrimāns negāret

falsa confixisse nec ēdidisse

vēra reperta?

quid loquī velit? populus cupit nunc

scīre, num culpanda sit inter omnēs

sōla. nē jūdex, cave, pulchritāte

pelliciāris.

(paululum emendatius cecini anno 2025 )

reppĕrit vērō stŭdĭōsă vītæ,
ullă quæ tristis lăcrĭmans nĕgat sē
essĕ mentītam nŭmĕrōsă cōrăm
fulgŭră castăm,

cellŭlam mīram? pŏpŭlus cŭpit nunc
scīrĕ, num culpandă sĭt intĕr omnēs
sōlă. nē jūdex, căvĕ, pulchrĭtātĕ
pellĭcĭārĭs.

De luctatore senatore c.n. Antonius Inoki

illĕ pugnātor crŭcĭātŭr ācĕr
calcĭtrātū, quem pĕdĭbus făcis tū
dextĕrō lævōquĕ cŭbans pălæstrā
in Tŏkĭensī.

factŭs hortāris pŏpŭlum sĕnātŏr
Insŭlārem vōcĭfĕrātŭs "esnĕ
salvŭs?". ut semper mănĕas pŏtens dux
corpŏrĕ magnō!

De Sintoismi professore

nūdŭs appāres Mĕăcensĭs hortō
Ūnĭversĭtātĭs ĕt incĭpis jăm
flārĕ concham per tĕnĕbras prŏfundās
rītĕ mărīnăm.

sublĭgar cantas cĭthăram ad sŏnōrăm.
quid vĕlis sed nos stŭpĭdos dŏcērĕ,
comprĕhendō nunquam ănĭmō mŏdestŭs,
doctĕ prŏfessŏr.

De hominibus alitibus

quid quădrāgintā făcĭat vĭr annōs
nātŭs ūnā cum jŭvĕnī pŭellā?
ēvŏlābunt præcĭpĭte ex nĭvāli ăd
āĕră prōnī.

quos fĕrant ālæ pĕdĭbus dŭōbŭs
longĭus fixæ gĕlĭdam pĕr aurăm,
splendĭdum lætæ pătrĭæ nŏmismă
ut căpĭātŭr.

De bellatricis pulchritudine

nos pĕrītas cum spĭcĭāmŭs artĕ

Martĭālī, quid lўrĭcis pŏētīs
antĕpōnendum'st? ănĭmōsĭtās ăn
bellĭcă virtūs?

pulchrĭtātem nonnĕ vĭdērĕ prīmŭm
dēbĕāmus, sī nŭmĕrō vĕlīmŭs
dulcĕ dē pugnantĕ fĕrā pŭellā
pangĕrĕ carmĕn?

De vischio rejiciendo

"vischĭum pŭtō tĭbĭ perplăcērĕ.
collŏquāmur noctĕ măgis sĭlentĕ."
pellĭcit mē mītĕ pŭellă pulchră
vōcĕ pŏētăm.

"non, mălō vērō thĕŏbrōtĭum, quŏd
augĕat vīres cĕrĕbrī cănendās
ad pŭellās his nŭmĕris. vălē!" sīc
scrībĕrĕ pergō.

De aquæ praeconio vitæ

"cur tŭam uxōrem cŭpĭs ēbrĭārĕ?
quæ tĭbī mēmet dărĕ dōnă vis? dīc!"
pulchră præcōnātŭr ăquam rŭbellăm
fēmĭnă vītæ.

quam bĭbam gāvīsŭs ĕt immŏdestŭs,
sī sĭt enzȳmum jĕcŏrī mĭhi illŭd.
non lĭcet sed mi id făcĕre atquĕ tantŭm
sentĭo ŏdōrĕm.

De cantatrice c.n. Uemura Kanae

incĭpit quandō mŏdŭlāri ĕburnīs
clāvĭchordĭum dĭgĭtis sŏnorŭm,
adjŭvant Mūsæ Kănăen cănentem ex
tempŏrĕ versūs.

arvă cum sŭper vŏlŭcres vŏlārĕ
cantĕt albos lātă, tĭbī fŭgācēs
audĭuntur tum rădĭantĕ pulsæ
aethĕrĕ pennæ.

De Apollonis invidia

in vĭā sessus mŏdŭlārĭs albŭm

clāvĭchordĭum sĭmŭl atquĕ cornū
ænĕum. sī stes, pĕdĕ tympănum tŭm
perbĕnĕ pulsēs.

tē vĭdens quidnam Pătăreus Ăpollō
cōgĭtet? sævus cŭtĕ sēpărārĕ
arrŏgantem tē vĕlĭt? æmŭlārī

an cŭpĭat tē?

De gubernatore Tokii suffragiis eligendo

ēlĭgendus jam stăbĭlis pĕramplī
est gŭbernātor Tŏkĭī vĭrīs ex
sexdĕcim, quōrum plăcĕt et jŏcōsŭs
mī spĭcĭentī.

vestĕ quī clārī tĕgĭtur cўnēā
Clērĭcī, rīdens făcĭt impŭdentĕr
verbă, cœlum sed nĕquĭt ēvŏlāre ăd
usquĕ sĕrēnŭm.