Saturday, June 8, 2013

De saltatoribus XXXV



trans sĕrēnum cum măre ăbīrĕt, urbĕ
portŭensī fortĕ dĭes cŏlōrĕm
cælĭcum līquit brĕvĭs. incĭpit quī
noctĕ nĭtērĕ

et rŏtārĕ sē cŏmĭtātŭs umbrā,
quæ nĭgella illinc ălĭquid prŏfātŭr
mōtĭōnĭbus cĕlĕris, nĭhil sĕd
percĭpĭētŭr.

narrĕt in terrīs ŏrĭentĭs auræ
murmŭr arcānum gĕlĭdæ rĕmōtīs,
an căcūmen, quō sălĭunt mĭcantēs,
ignĭcŏlorŭm?

2 comments:

  1. Quam maxime placet saltator ille qui focale gerit urbanissimum!

    ReplyDelete
  2. Ut fertur, ille magister saltationis est.Quo explicatur miranda ars hac in pellicula ostenta.

    ReplyDelete