Monday, August 17, 2020

Versiculi, quos in pipiatorio his mensibus scripsi

flante per arva 
puella precabitur 
arida vento, 
frugifer ut veniat 
sole cadente deus. 

(Tanka elegiaca: Nescio, quis deus hic narretur).

Phoebus ut expulsā nitidus mī rīdeat imbre, 
incipiat citius nūda salīre dea.

cūr homines tantos faciant mūrosque domusque? 
omnes perfringam magna cicāda cito!

dormītent homines cum fessī nocte silente, 
fēles nūgantur tum saliuntque vagae.

piscantur puerī tacitī sub fronde comante. 
injicit in flūmen saxa puella loquax.

optet aquātilium linguam quī discere blandam, 
scrībere cōnētur verba fluente in aquā.

quō magis in vīcō bibitur cervīsia nostrō 
ornat eō saepem flos decoratque magis.

2 comments:

  1. te hic iterum scribentem videre bonum est!

    ReplyDelete
  2. Gratias tibi ago pro verbis suavibus! Mihi addenda sunt photographemata, de quibus carmina haec panxi.

    ReplyDelete