Tuesday, August 3, 2010

De modo oeconomiae sanandae

Olim debita somniabant se fortunae fieri. Quae leviter huc illuc volitans vere fortunae erant. Voluptatibus expletis cupiditatibusque satiatis, non animadvertebant se debita esse. Subito tamen cum somno excitata sint, inibi debita stupefacta manebant. Sciri non poterat utrum per somnium debita in fortunas mutata sint, an fortunae in debita. At inter debita fortunasque certe est discrimen. Quod desperatio appellatur.

2 comments:

  1. Nummuli mei
    Papiliunculi sunt:
    evolant cito.

    ReplyDelete
  2. Volent permulti
    inter nos ad ditandum
    orbem terrarum.

    (macrooeconomice)

    ReplyDelete